(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 161

॥ శ్రీః ॥
1.161. అధ్యాయః 161
Mahabharata - Adi Parva - Chapter Topics
పాండవానాం విదురప్రేషితదూతదర్శితనౌకయా గంగోత్తరణం॥ 1 ॥
Mahabharata - Adi Parva - Chapter Text

వైశంపాయన ఉవాచ। 1-161-0x(937)(7298)

ఏతస్మిన్నేవ కాలే తు యథాసంప్రత్యయం కవిః।
విదురః ప్రేషయామాస తద్వనం పురుషం శుచిం॥ 1-161-1(7299)
`ఆత్మనః పాండవానాం చ విశ్వాస్యం జ్ఞాతపూర్వకం।
గంగాసంతరణార్థాయ జ్ఞాతాభిజ్ఞానవాచికం॥' 1-161-2(7300)
స గత్వా తు యథోద్దేశం పాండవాందదృశే వనే।
జనన్యా సహ కౌరవ్యాననయజ్జాహ్నవీతటం॥ 1-161-3(7301)
విదితం తన్మహాబుద్ధేర్విదురస్య మహాత్మనః।
తతస్త్రస్యాపి చారేణ చేష్టితం పాపచేతసః॥ 1-161-4(7302)
తతః ప్రవాసితో విద్వాన్విదురేణ నరస్తదా।
పార్థానాం దర్శయామాస మనోమారుతగామినీం॥ 1-161-5(7303)
సర్వవాతసహాం నావం యంత్రయుక్తాం పతాకినీం।
శివే భాగీరథీతీరే నరైర్విస్రంభిభిః కృతాం॥ 1-161-6(7304)
తతః పునరథోవాచ జ్ఞాపకం పూర్వచోదితం।
యుధిష్ఠిర నిబోధేయం సంజ్ఞార్థం వచనం కవేః॥ 1-161-7(7305)
కక్షఘ్నః శిశిరఘ్నశ్చ మహాకక్షే బిలౌకసః।
న హంతీత్యేవమాత్మానం యో రక్షతి స జీవతి।
`బోద్ధవ్యమితి యత్ప్రాహ విదురస్తదిదం తథా॥' 1-161-8(7306)
తేన మాం ప్రేషితం విదిధి విశ్వస్తం సంజ్ఞయాఽనయా।
భూయశ్చైవాహ మాం క్షత్తా విదురః సర్వతోఽర్థవిత్।
`అధిక్షిపంధార్తరాష్ట్రం సభ్రాతృకముదారధీః॥' 1-161-9(7307)
కర్ణం దుర్యోధనం చైవ భ్రాతృభిః సహితం రణే।
శకునిం చైవ కౌంతేయ విజేతాఽసి న సంశయః॥ 1-161-10(7308)
`వైశంపాయన ఉవాచ। 1-161-11x(938)
పాండవాశ్చాపి గత్వాథ గంగాయాస్తీరముత్తమం।
నిషాదాధిపతిం వీరం దాశం పరమధార్మికం॥ 1-161-11(7309)
దీపికాభిః కృతాలోకం మార్గమాణం చ పాండవాన్।
దదృశుః పాండవేయాస్తే నావికం త్వరయాఽన్వితం॥ 1-161-12(7310)
నిషాదస్తత్ర కౌంతేయానభిజ్ఞానం న్యవేదయత్।
విదురస్య మహాబుద్ధేర్ంలేచ్ఛభాషాది యత్తదా॥ 1-161-13(7311)
నావిక ఉవాచ। 1-161-14x(939)
విదురేణాస్మి సందిష్టో దత్త్వా బహు ధనం మహత్।
గంగాతీరే నివిష్టస్త్వం పాండవాంస్తారయేతి హ॥ 1-161-14(7312)
సోఽహం చతుర్దశీమద్య గంగాయా అవిదూరతః।
చారేరన్వేషయాంయస్మిన్వనే మృగగణాన్వితే॥ 1-161-15(7313)
ప్రభవంతోఽథ భద్రం వో నావమారుహ్య గంయతాం।
యుక్తారిత్రపతాకాం చ నిశ్ఛిద్రాం మందిరోపమాం॥' 1-161-16(7314)
ఇయం వారిపథే యుక్తా నౌరప్సు సుఖగామినీ।
మోచయిష్యతి వః సర్వానస్మాద్దేశాన్న సంశయః॥ 1-161-17(7315)
వైశంపాయన ఉవాచ। 1-161-18x(940)
అథ తాన్వ్యథితాందృష్ట్వా సహ మాత్రా నరోత్తమాన్।
నావమారోప్య గంగాయాం ప్రస్థితానబ్రవీత్పునః॥ 1-161-18(7316)
విదురో మూర్ధ్న్యుపాఘ్రాయ పరిష్వజ్య వచో ముహుః।
అరిష్టం గచ్ఛతావ్యగ్రాః పంథానమితి చాబ్రవీత్॥ 1-161-19(7317)
ఇత్యుక్త్వా స తు తాన్వీరాన్పుమాన్విదురచోదితః।
తారయామాస రాజేంద్ర గంగాం నావా నరర్షభాన్॥ 1-161-20(7318)
తారయిత్వా తతో గంగాం పారం ప్రాప్తాంశ్చ సర్వశః।
జయాశిషః ప్రయుజ్యాథ యథాగతమగాద్ధి సః॥ 1-161-21(7319)
పాండవాశ్చ మహాత్మానః ప్రతిసందిశ్య వై కవేః।
గంగాముత్తీర్య వేగేన జగ్ముర్గూఢమలక్షితాః॥ 1-161-22(7320)
`తతస్తే తత్ర తీర్త్వా తు గంగాముత్తుంగవీచికాం।
జవేన ప్రయయుర్వీరా దక్షిణాం దిశమాస్థితాః॥ 1-161-23(7321)
విజ్ఞాయ నిశి పంథానం నక్షత్రైర్దక్షిణాముఖాః।
వనాద్వనాంతరం రాజన్గహనం ప్రతిపేదిరే॥ 1-161-24(7322)
శ్రాంతాస్తతః పిపాసార్తాః క్షుధితా భయకాతరాః।
పునరూచుర్మహావీర్యం భీమసేనమిదం వచః॥ 1-161-25(7323)
ఇతః కష్టతరం కిం ను యద్వయం గహనే వనే।
దిశశ్చ న ప్రజానీమో గంతుం చైతేన శక్నుమః।
తం చ పాపం న జానీమో దగ్ధో వాథ పురోచనః॥ 1-161-26(7324)
కథం ను విప్రముచ్యేమ భయాదస్మాదలక్షితాః।
శీఘ్రమస్మానుపాదాయ తథైవ వ్రజ భారత॥ 1-161-27(7325)
త్వం హి నో బలవానేకో యథా సతతగస్తథా।
ఇత్యుక్తో ధర్మరాజేన భీమసేనో మహాబలః।
ఆదాయ కుంతీం భ్రాతౄంశ్చ జగామాశు స పావనిః'॥ ॥ 1-161-28(7326)

ఇతి శ్రీమన్మహాభారతే ఆదిపర్వణి జతుగృహపర్వణి ఏకషష్ట్యధికశతతమోఽధ్యాయః॥ 161 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.